زكاة محصول القمح في الإسلام

الزكاة ركن من اركان الإسلام 

 القمح عليه زكاة لو بلغ النصاب والنصاب يعني الكمية اللي اول ماتوصلها يجب عليك الزكاة ساعتها

ونصاب زكاة القمح خمسين كيلة يعني لو محصولك جاب أقل من خمسين كيلة مش عليك زكاة فيه.

الكيلة =12 كيلو يعني الخمسين كيلة =600 كيلو

اذن المحصول 600 كيلو أو أكتر ...عليك زكاة في القمح ده

الزكاة بتكون أد إيه ؟

طبعا الأراضي عندنا بتتسقى بألة كالمكينة وغيرها........فالزكاة هتكون نصف العشر يعني 5٪

يعني في الخمسين كيلة اللي هي = 600 كيلو هتخرج عليهم 30 كيلو. 

يعني كل عشرين شيكارة تخرج شيكارة للفقراء

ومصاريف الزرع مش بتتخصم باتفاق الفقهاء الأربعة

متى  تخرج زكاة القمح ؟

بتطلع الزكاة يوم الحصاد وماينفعش تأخر إخراج الزكاة عن يوم الحصاد لقوله تعالى "وَآتُوا حَقَّهُ يَوْمَ حَصَادِهِ ۖ "

الزكاة هي التي تخرح  للناس المستحقة للزكاة اللي هم الفقراء والمساكين واللي عليهم ديون مش قادرين يسدوها

أما اللي بتديه للأقارب غير الفقراء و الجيران الغير فقراء على سبيل الهدية والمجاملة فده لا يحسب من الزكاة.

ما هي عقوبة اللي مش بيخرج الزكاة في  ؟

العقوبة مذكورة في قول الله: "وَلَا يَحْسَبَنَّ الَّذِينَ يَبْخَلُونَ بِمَا آتَاهُمُ اللَّهُ مِن فَضْلِهِ هُوَ خَيْرًا لَّهُم ۖ بَلْ هُوَ شَرٌّ لَّهُمْ ۖ سَيُطَوَّقُونَ مَا بَخِلُوا بِهِ يَوْمَ الْقِيَامَةِ ۗ وَلِلَّهِ مِيرَاثُ السَّمَاوَاتِ وَالْأَرْضِ ۗ وَاللَّهُ بِمَا تَعْمَلُونَ خَبِيرٌ"

هذا كل ما في الأمر أتمنى أن يكون الدرس مفيد